政情:楊德強拆場變拆彈

施政報告提出最快二○一九年要將灣仔運動場改作包括會展用途嘅綜合發展,引起學界及港島居民嘅反對。原來提出呢個「最快一九年」隻係寫住先,因為一九年適逢區議會選舉,為免畀泛民有機會借題發揮「偷雞」,政府估計一九年搞得掂嘅機會微乎其微,而且喺冇替代方案下,為咗減低外界反響,政府仲搵定建製派夾計降溫添!

同建製夾計 免炒熱議題
政府內部商討灣仔運動場喺一九年拆卸嘅問題時,原來民政事務局有啲做漏招,一九年適逢區議會選舉,呢個咁地區嘅議題,涉及灣仔居民嘅集體回憶,對選舉一定有影響,隨時被泛民炒起嚟,成功偷雞,後期有官員提出希望改日期,但已經太遲,於是最終嘅寫法變咗係「最快一九年」。
換言之,即係體育專員楊德強甩轆,送彈藥畀泛民炸自己喇!但點補鑊好呢?
據知,為免畀泛民炒得熱個議題,政府內部都同建製派夾定計,等建製派向外界講明,依家都係做研究先,唔會講到咁死一定拆,又講明要完成香港大球場嘅改建,先會拆卸灣仔運動場,希望以呢個市民較容易明白嘅方法,為事件降溫。
聲稱先做研究 圖息民怨
據知,其實政府內部都計過數,呢個項目要經城規程序,又要喺區議會討論等等,其實兩年可以肯定做唔切,所以一九年幾乎可以肯定唔會推出住,但如果喺研究後,最終真係拆灣仔運動場,香港大球場嘅改建亦未必完全做到無縫交接,目前估計平息民怨嘅關鍵係要為拆卸灣仔運動場搵出替代方案。
拆卸灣仔運動場,最大影響嘅係學運會同田徑訓練,據知政府初步估計,學運會可以改至小西灣運動場等運動場舉辦,至於田徑訓練方麵,其中一個考慮係喺香港大球場加建跑道,等附近嘅居民可以入去跑嚇步,但係最難處理嘅係擲鐵餅等部分田項訓練,因為對場地有擋網嘅位置等特別要求,估計若香港大球場真係要建呢啲設施,必須有較多嘅改建。
至於灣仔運動場嘅位置,除咗會建會議展覽場地外,目前亦考慮緊喺其他樓層建室內田徑訓練場地或七人足球場等,而為咗爭取地區支持亦可考慮引入條款,部分日子優先讓社區申請使用。
咁啱尋日喺一個活動上見到楊德強,佢話目前要等貿發局做研究,因為要好科學性去睇灣仔運動場事宜。至於會唔會喺一九年拆卸,佢話要視乎研究進度,而且需要進行諮詢喎。
原文地址:http://orientaldaily.on.cc/cnt/news/20170529/00176_083.html


カテゴリー: 未分類 | 投稿者convey 17:53 | コメントをどうぞ

コメントを残す

メールアドレスが公開されることはありません。 * が付いている欄は必須項目です


*

次のHTML タグと属性が使えます: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong> <img localsrc="" alt="">